Ciidanka Asluubta Soomaaliyeed ayaa maanta u dabaal-degaya sanadguurada 49-aad ee ka soo wareegatay markii la aas-aasaya, iyadoo munaasabad lagu weynayo maalintaasi qaban-qaabadeedu uu haatan ka socoto magaalada Muqdisho.
Munaasabad si heer sare ah loo soo qaban qaabiyay kana dhaceysa xarunta Ciidanka Asluubta Soomaaliyeed ayaa waxaa lagu wadaa inay ka qeyb galaan mas’uuliyiin ka tirsan dowladda Soomaaliya, wafuud ka kala socot caalamka iyo saraakiil ciidan.
Madaxda dalka iyo saraakiisha ciidamada ayaa hambalyo ku aadan sanadguurada 49-aad u diray ciidanka Asluubta Soomaaliyeed iyo madaxdooda.
Ciidanka Asluubta Soomaaliyeed oo la aas-aasay 22 February 1970kii ayaa waxay qeyb ka yihiin ciidamada Qaranka uu dalka leeyahay, iyagoo si gaar ah gacanta ugu haya xabsiyada iyo dhaqan celinta maxaabiista.
Dhinaca kale waxaa maanta lagu wadaa in xariga laga jaro xabsi cusub oo dhawaan laga hirgeliyay duleedka Muqdisho, kaasi oo si casri ah loo dhisay, dhismahiisuna uu socday muddo ka badan labo sano.
