Qarax ismiidaamin ah ayaa goor dhaw lagu dilay Gudoomiyahi gobolka Mudug ee maamulka Puntland, Alle ha u naxariistee, Axmed Muuse Nuur (Daba-kariix), xili uu ka soo baxay shir looga hadlayay amaanka magaalada Gaalkacyo oo ka dhacay xarunta gobolaka.
Waxa uu warka intaasi ku darayaa in qaar kamida ilaalada gudoomiyaha iyo dad shacab ah ay wax ku noqdaan qaraxa oo ahaa mid ismiidaamin ah.
Maleeshiyaadka Al-Shabaab ayaana sheegatay mas’uuliyada weerarka.
Dawladda Federal-ka Soomaaliya iyo maamulka Puntland ayaa cambaareeyey weerarkan argagixiso maanta.
