Qarax ayaa ka dhacey deegaanka Awdiinle oo 28 km dhinaca Waqooyi kaga beegan magaalada Baydhabo ee xarunta Gobolka Baay.
Qaraxa oo noociisa ahaa miino dhulka lagu aasay ayaa waxaa uu ka dhacey Suuq ay ku ganacsadaan dad shacab ah oo ku yaala gudaha deegaanka Awdiinle.
Inta la ogyahay 1 qof ayaa ku geeriyoodey Qaraxa saddex kalena waa ay ku dhaawaceen, kuwaasi oo xaaladooda caafimaad laga deyrinayo.
Ciidamada Dawladda ayaa ka wada goobta qaraxa uu kadhacey baaritaanno dheeraad ah oo lagu baadi goobayo dadkii ka dambeeyay dhagarta ay maleegeen dhagarqabayaasha Al-Shabaab.
