Madaxweynaha Dowlad Goboleedka Galmudug, mudane Axmed Cabdi Kaariye, ayaa hambalyo iyo bogaadin u diray maamulka cusub ee degmada Cadaado, Faarax Diiriye Warsame oo noqday Guddoomiyaha degmada Cadaado iyo Cabdixakiin Maxamed Cali, Guddoomiye kuxigeenka degmada Cadaado, kuwaas oo maanta lagu doortay degmada Cadaado.
Madaxweynaha ayaa sidoo kale ku ammaanay golaha deegaanka cusub ee degmada Cadaado, sida hufan ee kartida leh ee ay shaqadooda uga soo dhaleeleen, una doorteen hogaan badala maamulkii hore ee degmada.
Madaxweynaha ayaa ugu danbayn xusay in tallaabadan ay dhiiro galin u tahay hannaanka dowladnimada Galmudug, lana joogtayn doono si dhammaan degmooyinka Galmudug looga dhaqan galiyo gole deegaan oo soo doorta maamulka degmooyinka Galmudug.
