Wasaaradda Qorsheynta, Maalgashiga iyohorumairnta dhaqaalaha Xukuumadda Federaalka Soomaaiya ayaa maanta ka daahfurtay magalaada Dhuusamareeb Shir wadatashi ah oo ku saabsan diyaarinta qorshe howleedka Istaraatiijiyadda Xalka Waara 2021- 2022 ee Dowlad Gobaleedka Galmudug.
Shirka waxaa ka qeyb galay Wasiirka Wasaaradda Qorsheynta Galmudug, Mudane Cabdinaasir Cilmi Geele, Agaasimaha guud, Agaasimaha Xafiiska Xalka waara ee Wasaaradda Qorsheynta Qaranka, qaar ka mid ah madaxda Wasaaradaha dowlad gobaleedka Galmudug iyo Khubaro ka socda Wasaaradda Qorsheynta Dowlada Soomaaliya.
Wadatashiga waxaa uu socan doonaa muddo saddex cisho ah, iyada oo lala tashanayo Wasaaradaha Ganactada, Ururrada bulshada rayidka, dadka barakaca uu saameyay iyo hay’adaha ka shaqeeya arrimahan ee ka howl gala deeganada Galmudug.
Mudane Cabdullaahi Cumar Agaasimaha Guud ee Wasaaradda Qorsheynta Galmudug ayaa hadalo kooban oo soo dhaweyn ah kadib, waxa uu sheegay in ahmiyad gaar ah uu u leeyahay shirka wada-tashiga.
Agaasimaha Xafiiska Xalka Waara Marwo Zahra Cabdi Maxamed ayaa xustay in ahmiyadda wada-tashiga uu yahay sidii dowlad goboleedka Galmudug xil adag iska saari lahayd arrimaha xalka waara.
“Fulinta Istaraatiijiyadda Xalka waara (2020-2024). Ayadoo loo sii marayo diyaarinta qorshe hawleeda sanadka 2021-2024, ee ay yeelan doonto dowlad goboleedka Galmudug, kaas oo wax badan looga badali doono sidii xal waara ay u heli lahaayen Barkacayaasha, Qaxootiga iyo dadka dalk dib ugu soo laabtay ee ku sugan dowlad goboleedka Galmudug”. Ayay tiri Agaasime Zahra.
Wasiirka Wasaaradda Qorsheynta dowlad gobaleedka Galmudg Mudnae Cabdinaasur Cilmi Geelle ayaa sheegay in ay muhiim u tahay diyaarinta qorshe howlaadka 2021-2022 ee Istaraatiijiyadda Xalka waara dowlad gobaleedka Galmudug, ayna dardargalin doonaan hirgelinta qorshahaas.
Furitaankii barnaamijka Hirgalinta Istaraatiijiyadda Xalka ee maanta ka qabsoomay caasimadda Galmudug ee Dhuusamareeb ayaa waxaa furay Wasiirka Qorshaynta Dawlad Goboleedka Galmudug mudane Cabdinasir Geele.
Wasiirka ayaa soo dhaweeyey howlwadeennada Farsamada ee Wasaaradda Qorshaynta Qaranka, kana socday Xafiiska Xalka Waara ee Wasaaradda Qorshaynta Qaranka.
“horay ugama aanan fikirin in la horumariyo istaraatiijiyadda lagula tacaalo xaaladaha barakacayaasha iyo qaxootiga, laakiin hadda waxaa ilaahay mahadiis ah in xafiiska xalka waara ee Wasaaradda qorshaynta ay sameeyeen Istaraatiijiyadda soconaysa 2020-2021 oo lagula tacaalayo waxna looga qabanayo duruufaha barakacayaasha, qaxootiga iyo dadka dibadda dalka ka soo laabanaya” ayuu sii yiri wasiirka qorshaynta dowlad goboleedka Galmudug Wasiir Geelle.
Ugu dambeyntii shirka wadatshiga waxaa laga rajeynaa in ay ka soo baxaa Qorshe howleedka dowladd gobaleedka Galmudug ee xoogga saarayo Arrimaha barakaca iyo qaxootiga, kaas oo la jiho ah Istaraatiijiyadda Qaran ee Xalka waara.
