Kaddib markii dhawaan Wasaaradda arrimaha Gudaha Dowladda Federaalka Soomaaliya ay sheegtay in doorashada Madaxtinimda Galmudug la qabanayo waqtigii loogu talagalay ayaa waxaa deegaannada Galmdug qaarkood ka bilowday qorshayaal la iskugu diyaarinayo doorashada, iyadoo beelaha qaarkood ay bilaabeen soo xulista xubnaha Golaha Baarlaamaanka Galmdug, kuwaasoo yeelanayay kulumo kala duwan sidoo kalena lagu soo dhaweynayo go’aanka Wasaaradda arrimaha Gudaha Federaalka ah ee Soomaaliya.
Mid ka mid ah kulamada la isugu diyaarinayo doorashada oo lagu qabtay magaalada Gaalkacyo, islamarkaana ay ka qeyb galeen waxgarad, siyaasiyiin, ganacsato iyo mas’uuliyiin ka tirsan Galmudug ayaa qaar ka mid ah beelaha degan gobalka Mudug waxay ku soo gudbiyeen xubnaha ay doonayaan in ay uga mid noqdaan Baarlamaanka lagu wado in dhawaan lasoo dhiso, iyadoo dhamaan waxgaradkii iyo mas’uuliyiintii kulanka ka hadlay ay sheegeen in ay soo dhaweeynayaan qabsoomidda doorashada Galmudug ee ah in ay dhacdo waqtigii loogu tala galay.
Sikasta deegaannada Galmudug ayaa laga dareemayaa qaarkood u diyaar garoowga doorashada Galmdug in kastoo Madaxda Galmudug ay sheegeen in aan xilligaan doorasho la qaban karin.
W/D: Cabdirisaaq Maxamed Axmed
