Wasaarada Gargaarka Dowlad Gobaleedka Galmudug ayaa deeq mucaawino ah Gaarsiisay Deegaanka Camaara oo ka mid ahkuwii laga xoreeyay Khawaarijta.
Deeqdaan gargaarka ah oo ka timid xarunta Boqor Salmaan isla markaana ka mid ah deeqo hay”adda Tadaamun ay gaarsiineyso Dadka ku nool deegaannada laga xoreeyay khawaarijta ee Gobalka Mudug ayaa la gaarsiiyay todobo Boqal Qoysas oo ku nool deegaanka.Camaara
Maxamed Axmed Xasan oo ku hadlay magaca hay”adda Tadaamun ayaa sheegay in kaalmadan loogu talagalay dadka tabaaleysan.
Cabdi Beyle Agaasimaha Waaxda Gargaarka ee Wasaradda Gargaarka iyo Maareeynta Musiibooyinka Galmudug ayaa sheegay in ka Wasaarad ahaan ay xoogga saarayaan in deeqaha la gaarsiiyo deegaannada laga xoreeyay khawaarijta, tanina ay qeyb ka tahay deeqo la gaarsiin doono dhamaan deegaannada helay neecaawda dowladnimo
Wasiiru-dowlaha Wasaarada Arimaha Gudaha Galmudug Cumar Maxamed Diiriye iyo Wasiirka Wasaaradda Beeraha Dowlad Gobaleedka Galmudug Axmed Nuur Cismaan Xaaji ayaa sheegay in deeqdaani ay tahay tii ugu horeysay ee la soo gaarsiiyo Qoysaska ku nool Camaara ayna tahay mid ku timid Howlgallada sifeeynta Khawaarijta iyo helitaanka neecaawda Dowladnimo.
