Ra’iisul Wasaaraha Xukuumadda Federaalka Soomaaliya Mudane Hamza Abdi Barre, ayaa tacsi u diray qoyska, ehellada iyo shacabka Soomaaliyeed ee uu ka geeriyooday Allaha u naxariistee Xildhibaan hore Daahir Xasan Guutaale.
Marxuum Daahir Xasan Guutaale oo muddo 50 sano ah (1972 – 2022) u soo shaqeeyay dowladda Soomaaliya ayaa waxa uu horey u soo qabtay xilal kala duwan isaga laba jeer soo noqday Xildhibaan ka tirsan baarlamaanka Soomaaliya sanadihii 2000 – 2004 iyo 2008 – 2012.
Ra’iisul Wasaaraha ayaa ku tilmaamay Marxuum Daahir tiir muhiim ah oo ka baxay dowladnimada Soomaaliya, kaas oo maskax iyo tallooyin wanaagsan ku soo kordhiyay nidaamka dowliga ah.
Mudane Xamse wuxuu si gaar ah ugu tacsiyeeyay wiilkiisa oo ah La Taliyaha Amniga ee Ra’iisul Wasaaraha XFS Kamal Gutale, isagoo Allaah uga baryay marxuumka in uu ka waraabiyo Janatul Fardows, guud ahaan ummadda Soomaaliyeed iyo ehelladii uu ka baxayna samir iyo iimaan ka siiyo.
