Ra’iisul Wasaaraha Xukuumadda Federaalka Soomaaliya Mudane Hamza Abdi Barre, ayaa guddoomiyey shir looga hadlayay amniga oo si gaar ah loogu lafaguray xaaladda magaalada Beledweyne oo maanta argagixisadu ka gaysteen qaraxyo sababay dhimasho, dhaawac iyo burbur hantiyeed.
Kullanka, ayaa looga hadlay sidii gurmad deg-deg ah loola gaari lahaa shacabkii ku dhaawacmay qaraxyada.
Ra’iisul Wasaare Xamse Ayaa yiri ” Tani waxay caddaynaysaa in qaraxyada kooxda nabad-diidka ah ay ka geysteen Beledweyne ay tusaale u yihiin inay u babac dhigi waayeen awoodda Ciidamada kula dagaallamaya furimaha, ay beegsanayaan shacabka birimageydada ah ee ku dhaqan magaalooyinka”.
Kulanka, ayaa sidoo kale looga hadlay guud ahaan hawlgaallada dib u xoreynta dalka ka socda iyo xaaladda guud ee gulufka ka dhanka ah kooxda argagixisada ah ee Argagixisadda.
