Mudane Mahdi Maxamedc Guuleed(Khadar) raiisul wasaare kuxigeenka dalka ayaa qaabilsay wafdio uu hoggaaminayay kuxigeenka wasiirka arrimaha dibadda iyop iskaashiga Caalamiga ah ee Dalka Talyaaniga, HE Ms. Emanuela Claudia Del Re oo dhawaan soo gaaray magaalada Muqdisho ee caasimadda Soomaaliya.
Ugu horeyn waxaa garoonka diyaaradaha magaalada Muqdisho ku soo dhaweeyey mas’uuliyiin uu kamid yahay wasiiru Dowlaha Arrimaha Dibadda ee Soomaaliya C/qaadir Axmed Khayre.
Raiisul wasaare kuxigeenka dalka HE Ms. Emanuela Claudia Del Re ayaa ka wada hadlay arrimo ay kamid yihiin xoojinta xiriirka u dhexeeya labada dhinac,sida iskaashiga iyo wax wada qabsiga danaha labada dal.
Dhanka kale wasiirka arrimaha dibadda ee Soomaaliya ayaa la kulmay HE Ms. Emanuela Claudia Del Re kuxigeenka wasiirka arrimaha dibadda iyo iskaashiga caalamiga ah ee dowladda Talyaaniga,waxaana ay ka wada hadleen sidii dowladda Talyaaniga ay u taageeri lahaya horumarinta dhanka waxbarashada Soomaaliya.
Sidoo kale waxaa aay isla soo hadal qaadeen taageeridda iyo fursadaha waxbarasho ee lacag la’aanta ah ee ardayda Soomaaliyeed,barnaamijyo lagu horumarinayo Jaamacadda Umadda.
HE Ms. Emanuela Claudia Del Re ayaa sido kale waxaa uu ka kulmay mas’uuliyin kale sida wasiirka caafimaadka,xeer-ilaaliyaha guud ee Qaranka iyo guddoomiyaha gobolka Banaadir,iyagoo dhamaantoodi isla meel dhigay iskaashiga iyo taageerida mas’uul kasta iyo hay’adda uu madaxda ka yahaya.
Dowladda Talyaaniga ayaaa kamid ah dowladaha taageera Soomaaliya,waxaana xiriirka ka dhexeeya Soomaaliya iyo Talyaaniga uu yahay mid soo jireen ah.
