Maanta waxa ku beegan tahay maalinta caalamiga ah ee Raadiyaha aduunka. marka loo eego baaxada dadka uu gaari karo iyo sida lagu heli karaba Raadiyuhu wali waa midka ugu awoodda badan Warbaahinta sida ay sheegtay heyโadda UNESCO ee Qaramada midoobey.
Awoodani waa mid u gaar ah Idaacadaha, waxayna hogaamin karaan isbedal bulsho oo ku dhisan wada hadal.
Maalinta caalamiga ah ee Raadiyaha Aduunka waxaa loo asteeyay 13-ka February sanad walba markii ay isku raaceen Wadamada ku jira Heyโadda UNESCO 2011-kii, waxaana aqoonsaday golaha guud ee Qaramada Midoobey 2012-kii in manta oo kale dunida looga dabaaldago maalinta Raadiyaha, si loo dhiiragaliyo howlwadeenada Warbaahinta loona xoojiyo doorkooda wacyagalinta bulshada.
Xoojinta kala duwanaanta waa halku dhigga sanadkaan ee xuska maalinta caalamiga ah ee Raadiayaha Aduunka.
Xoghayaha guud ee Qaramada Midoobey Antonio Guatress oo ugu hambalyeeyay idaacadaha aduunka maalinkan ayaa tilmaamay inay muhiim tahay dhiiragalinta Raadiyaha, si loo xoojiyo nabadda iyo siyaasadaha loo dhan yahay.
