Taliska qeybta guud ee booliska gobolka banaadir ayaa shaaciyay in gacanta lagu dhigay raggii ku luglahaa fal saaka ka dhacay degmada Dharkeyleey ee gobolka banaadir, kaasi oo lagu weeraray labo gabdhood oo walaalo ah.
Taliyaha qeybta guud ee booliska gobolka Jeneraal Cali Xirsi Barre “Cali gaab” oo lahadlay Warbaahinta ayaa sheegay in ciidamada ay gacanta ku dhigeen rag lagu tuhmayo inay ku luglahaayeen weerarkii maanta lagu qaaday labo gabdhood oo walalo ah, oo mid ka mid ah ay falkaasi ku geeriyootay halka mid kale ay dhaawac ka soo gaartay, isagoo intaa ku daray inay ku socoto baaritaano dheeraad ah ragga loo qabtay falkaasi .
Jeneraal Cali Xirsi Barre ayaa sheegay inay jirto qorshe ay ciidamada ammaanka oo iskaashaya ay ku cirib tiriyaan kooxaha nabad diidka ah, waxaana uu shacabka ka codsaday inay la shaqeeyaan laamaha amniga, si looga hortago dhagarta ay maleegayaan maleeshiyada Al-Shabaab.
