Ra’iisul wasaaraha Xukuumadda Federaalka ah ee Soomaaliya oo xalay ku hooyday magaalada Ksimaayo ee xarunta Gobolka Jubbada Hoose ayaa lagu wadaa in uu kulamo la qaato Madaxda Maamulka Jubbaland.
Wariyaha Warbaahinta Qaranka ee Kismaayo Xiis ayaa ku soo waramay in saaka la sii ambo qaadayo wahadalo ku aadan xaaladaha Jubbooyinka iyo muranka ka dhashay xulashada baarlamanka Jubbaland, waxaana kulankaasi si horu dhac ah u yeelan doono Guddi Wasiiro ah oo ka tirsan Xukuumadda Soomaaliya iyo Mas’uuliyiin kale oo Maamulka Jubbaland ah.
Kulamadaasi ayaa la filayaa in wixiii ka soo baxa ay sii ambi qaadi doonaan Madaxweynaha Maamulka Jubbaland Axmed Maxamed Islaam iyo Ra’iisul wasaare Cumar Cabdirashiid Cali Sharma’arke, si la isula meel dhigo arrimaha ka taagan Jubbooyinka, isla markaana ay Xukuumaddu gacan ka geysato xalinta waxyaabaha keenay muranka ku saabsan soo xulista baarlamaanka Jubbaland.
Hadaba wixii war ah ee ka soo baxa waan idin soo gudbin doonaa Insha Allah.
