Ra’iisal wasaaraha xukuumadda Soomaaliya Mudane Xasan Cali Khayre ayaa xalay kormeeray qaar kamid ah degmooyinka gobolka Banaadir, isagoo u kuurgalayey hawlaha ciidanka ammaanku ay nabadgalyada bulshada ku ilaalinayaan.
Kormeerka waxaa Ra’iisla wasaaraha ku wehliyey Guddoomiyaha gobolka Banaadir ahna duqa Muqdisho, ku xigeenadiisa, Taliyaha ciidanka Booliska iyo wasiirka Dhalinyarada iyo Cayaaraha.
Mudane Xasan Cali Khayre ayaa dadka ganacsanayey xilliga habeenkii ka waraysanayay, nolosha magaalada, waxaana uu ciidamada ku dhiiri galiyey inay adkeeyaan halwgalada ka dhanka ah Argagixisada,
Taliyeyaasha ciidanka Booliska ayuu Ra’iisul Wasaare Kheyre kulan kula yeeshay Xeebta Liido, kaas oo ku aadanaa sidii hawlaha nabadgalyada loo xoojin lahaa.
Mudane Xasan Cali Kheyre iyo masuuliyiinta wehlinayey ayaa si gaar ah u kormeeray degmooyinka Xamar Weyne iyo Shibis, waxaana sidoo kale Xeebta Liido ay kula caweeyeen Bulsho halkaasi ku sugneyd oo si nabad ah waqti ugu qaadanayey xeebta.
