Ra’iisul Wasaaraha xukuumadda Federaalka Soomaaliya, mudane; Xasan Cali Kheyre, ayaa xalay kormeer howleed ku tagey xarunta Wasaaradda Shaqada, shaqaalaha iyo arrimaha Bulshada.
Ra’iisul Wasaaraha ayaa la kulmay howl-wadeenno ku guda jira diyaarinta barnaamijka dib-u-eegista shaqaalaha Rayidka ee DFS, ayadoo loo eegayo heerka aqoonta, Darajada iyo xilka.
Mudane; Kheyre, ayaa xilligii uu tagay wasaaradda oo ay ka socotay shaqada Qaranka uu u igmaday ayaa waxaa halkaasi kusoo dhoweeyay Wasiirka Shaqada iyo Bulshada, Saalax Axmed Jaamac iyo mas’uuliyiin kale.
Ra’iisul wasaaraha Dalka ayaa warbixin ka dhageystay wasiir ku xigeenka iyo Agaasimaha guud ee wasaaradda, iyagoo u sheegay in wadeen howlo lagu ogaanayay xirfadda Shaqaalaha, si ay u helnaa tababarro.
Ra’iisul Wasaaraha Dalka Soomaaliya ayaa madaxda wasaaradda u sheegay in loo baahan yahay in Hal meel laga wada Shaqaaleysiiyo, taasna ay u igmadeen wasaaradda Shaqada, Shaqaalaha iyo arrimaha Bulshada.
Dowladda Soomaaliya ayaa qorsheynysa in la xoojiyo aqoonta shaqaalaha Dowladda, si loo helo shaqaale tayaysan oo kasoo dhalaala waajibaadkooda.
