Ra’iisul Wasaare ku-xigeenka Xukuumadda Federaalka Soomaaliya Mudane Salah Jama ayaa Saaka daah furay imtixaanka Qaranka ee sannad dugsiyeedka 2022/2023.
Munaasabadda lagu daah furayey Imtixaanka, ayaa waxaa goobjoog ka ahaa Wasiirka Wasaaradda Waxbarashada Farah Sheikh Abdulkadir, Wasiiru dowlaha Wasaaradda, Taliyaha Ciidanka Booliska Soomaaliyeed iyo Mas’uuliyiin kale.
Imtixaanka saaka bilaawday, ayaa waxaa u fariistay 33,700 arday, oo ku galayo 114 goobood oo ku yaallo Caasimadda iyo gobollada Dalka.
Ra’iisul Wasaare ku-xigeenka,ayaa ugu dambeyn u mahadceliyey ciidamada Ammaanka oo qeyb weyn ka qaadanaya habsami u socodka imtixaanka iyo guud ahaan shaqaalaha Wasaaradda Waxbarashada oo xil weyn iska saaray diyaarinta, daabacaadda iyo ilaalinta ammaanada Imtixaanka.
