Munaasabad lagu weyneynayay maalinta dhallinyarada Adduunka oo sanad waliba maantoo kale looga debaaldego caalamka ayaa lagu qabtay magaalada Muqdisho.
Xuskan 12-ka Augost ayaa mas’uuliyiintii ka soo qayb gashay waxaa ka mid ahaa Ra’iisul wasaare ku xigeenka Xukuumadda Federaalka Soomaaliya Maxamed Cumar Carte, Wasiirka Dhallinyarada iyo Cayaaraha ee Xukuumadda Soomaaliya Maxamed Cabdullaahi Xasan Nuux, Wasiiro ka tirsan dowlad goboleedyada dalka iyo xubno kale.
Wasiirka Dhallinyarada iyo Isboortiga ee Xukuumadda Soomaaliya Maxamed C/laahi Nuux oo goobta ka hadlay ayaa sheegay in dhallinyaradu tahay laf-dhabarka horumarka dal kasta, loona baahanyahay iney kaalintooda ka qaataan dhallinta Soomaaliyeed.
Ra’iisul Wasaare ku-xigeenka Soomaaliya Mudane Maxamed Cumar Carte ayaa hambalyo iyo bogaadin u diray dhammaan dhallinyarada Adduunka, isagoo ka digay iney naftooda qatar geliyaan taasoo dhaawici karta mustaqbalkooda iyo waxyaabaha ay hiigsanayaan.
