Ra’iisul Wasaare Ku-xigeenka Xukuumadda Jamhuuriyadda Federaalka Soomaaliya, Mudane Saalax Axmed Jaamac, ayaa kormeer shaqo ku tagey xarumaha Wasaaradda Amniga Gudaha iyo Hey’adda Socdaalka iyo Jinsiyadda, isagoo u kuurgalay habsami u socodka howlaha shaqo iyo adeegyada ay shacabka Soomaaliyeed u hayaan.
Ra’iisul Wasaare Ku-xigeenka, ayaa ka dhageystay mas’uuliyiinta Wasaaradda iyo Hay’adda Socdaalka ee uu kormeeray, warbixinno kala duwan oo la xiriira, howlaha shaqo ee ay Qaranka u hayaan, gaar ahaan dhinacyada Amniga iyo Socdaalka.
Mudane Saalax ayaa ku bogaadiyey masuuliyiinta iyo hawlwadeennada Wasaaradda Amniga Gudaha iyo Hay’adda Socdaalka iyo Jinsiyadda shaqooyinka ay dalka u hayaan, waxa uuna kula dardaarmay in ay sii dardargeliyaan howlaha horyaalla, maadaama ay muhiim u yihiin amniga guud ee dalka.
