Ra’iisul Wasaare Ku-xigeenka Xukuumadda Federaalka Soomaaliya, Mudane Saalax Axmed Jaamac oo kormeeray howlaha beni’aadannimo ee SoDMA dalka waddo ku yimid xarunta dhexe ee Hay’adda Maareynta Musiibooyinka ayaa kulan wax-ku-ool ah la qaatay Guddoomiyaha Hay’adda, Mudane Maxamuud Macallin Cabdulle, Guddoomiye ku-xigeenka, hoggaanka kale iyo howl-wadeennada Hay’adda.
Ra’iisul Wasaare Ku-xigeenka ayaa lala wadaagay warbixinta xaaladda abaarta dalka ka jirta, dadaallada gargaarka ee socda, qorshayaasha yareynta khataraha musiibooyinka, u adkaysiga aafooyinka, dadaallada wacyi-galinta ee looga hortagayo colaadaha sokeeye oo dhibaato beni’aadannimo sababa, guulaha la gaaray iyo caqabadaha jira.
Mudane Saalax ayaa hoggaanka iyo hawlwadeennada SoDMA ku bogaadiyay gudashada wajibaadka shaqooyinka ay Hay’addu Dowladda Soomaaliya masuulka kaga tahay, gaar ahaan howlaha maareynta musiibooyinka, isagoo ku dardaarmay sii dardargelinta howl-gallada bani’aadannimo xilligaan adag ee abaartu taagan tahay.
