Ra’iisul Wasaare Ku xigeenka Xukuumadda Federaalka Soomaaliya Mudane Salah Jama, ayaa maanta xafiiska ku qaabilay wafdi ka socda mashruuca xasillinta iyo dib u dhiska Soomaaliya oo uu hogaaminaayo madax mashuurca TIS3/USAID Iftikhar Axmed Shaheen.
Ra’iisul Wasaare ku-xigeenka, ayaa ka dhagaystay shaqooyinkii ay ka soo qabteen maamul gobaleedyada dalka, waxa uu sidoo kale soo dhaweeyey qorshayaasha xasillinta gobalada dalka shanta sano ee soo socota ka fulin doonto Hay’adu, iyadoo la waafajin doono qorshaha Xukuumadda Dan-Qaran.
