Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble iyo Wefdigii uu hoggaaminayay ayaa gaaray Magaalada London ee dalka Ingiriiska, halkaas oo uu uga qeyb geli doono shirka caalamiga ah ee horumarinta Waxbarashada.
Afhayeenka Xukuumadda Federaalka Soomaaliya Maxamed Ibraahim Macallimuu ayaa sheegay in wafdiga Ra’iisul Wasaare Maxamed Xuseen Rooble ay gaareen magaalada London ee dalka Ingiriiska, halkaas oo ay uga qeyb geli doonaan shirka caalamiga ah ee horumarinta Waxbarashada, kaasi oo ay ka qeybgalayaan dowlado dhowr ah.
Afhayeenka ayaa xusay in Wafdiga Ra’iisul Wasaare Rooble ay kulamo doceedyo la qaadan doonaan Madaxda kale ee shirka lagu casuumay.
Wafdiga Ra’iisul Wasaaraha waxaa ka mid ah Wasiirka Arrimaha dibadda Mudane Maxamed Cabdirisaaq iyo Waxbarashada ee Soomaaliya Cabdullaahi Carab iyo xubno kale.
