Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, ayaa xilka u kala wareejiyey Wasiirka cusub ee Arrimaha Dibedda iyo Iskaashiga Caalamiga ah, Mudane Abshir Cumar Huruuse iyo ku-simaha Wasiirka Mudane Balal Maxamed Cusmaan.
Ra’iisul Wasaaraha ayaa xusay in siyaaasadda Xukuumadda Dan-qaran ee arrimaha dibedda ay tahay mid ku saleysan danaha qaranka iyo ujeeddooyinka istiraatijiyadeed ee Soomaaliya ku wajahayso caalamka, taasoo qeexaysa hiigsiga dowladda ee Soomaali dunida hishiis la ah.
