Ra’iisul Wasaareaha xukuumada federaalka Soomaaliya mudane Hassan Ali Khaire ayaa maanta Kormeeray xarumaha guddiga gurmadka fatahaaduhu ka wadaan isku dubba ridka gargaarka loo dirayo deegaannada ay fatahaadu saameeyeen.
Ra’iisulwasaare Kheyre ayaa xarumahaasi kula kulmay howl-wadeennada oo diyaarado gurmad wado u dirayay magaalooyinka Baydhabo, Beledweyne & Baardheere.
Ra’iisulwasaaraha ayaa ku bogaadiyay gudiga shaqada wanaagsan ee ay u hayaan Ummadda Soomaaliyeed, waxa uuna faray in ay sii laba jiraan howsha wanaagsan ee ay dadkooda u hayaan.
