Roobabkan ayaa shalay ilaa xalay ka da’ay deegaanka gongo oo ka tirsan Gobolka Shabeellaha Dhexe kaas oo saameeyay qoysaska dantayar ee deegaankaas iyo deegaannada kale ee ku dhow ku nool.
Sahro Xuseen oo ka mid ah dadka Tuulada Gongo oo la hadashay Radio Muqdisho ayaa sheegtay in Roobabk ay saameeyeen dadka ku nool Guryaha ka sameysan Bacaha iyo xooshadaha isla markaana roobku uu watay dabeylo xooggan.
“ Roobkii shalay iyo xalay noo da’ay waxa uu saameeyay qoysaskeenna, guryaheennii waxaa ka biibay jiinkadihii saarnaa kaddib dabeylo xoogga uu watay roobka oo saameeyay, banaanka ayaan hadda jiifnaa waxaan u baahannahay caawimaad” ayay tiri Sahro oo ka mid ah dadka tuulada gongo.
Inkastoo muddo la sugayay roobabkaan uuna ku soo aaday xilli abaaro xooggan uu dalku ka jiro ayaa hadana waxa uu saameeyay dadka Danta yar ee ku nool Guryaha aanan awoodin in ay iska Celiyaan Dabeylaha uu roobku wato.
