Ra’iisul Wasaaraha Xukuumadda Federaalka Soomaaliya ayaa rajo wanaagsan ka muujiyay in guula laga gaaro shirarka Wadatashiga Qaran, ee looga hadlayo nooca doorasho ee Soomaaliya.
Ra’iisul wasaare Cumar Cabdirashiid Cali Sharma’arke ayaa sheegay in Xukuumadda Soomaaliya ay soo saari doonto waqti go’an oo ay Madaxda markale isugu imaanaan kulamo looga tashanayo hanaanka doorasho ee lagu wado inay dalka ka dhacdo sanadkan 2016-ka.
“Shirka dadaalo badan kadib meel fiican ayaan isla gaarnay, oo meeshii hore ee lakala joogay waa la isaga soo dhawaaday, Xukuumadda ayaa dadaal u geli doonto xilliga dambe ee shirka la isugu imaanayo oo lagu soo gunaanadayo wixii kala aragti duwanaansho ah, runtii meel fiican ayaan wax isla meel dhignay, waxyar oo farsamo ah ayaa haray, intaasna waa la dhameystiri doonaa” ayuu yiri Ra’iisul wasaare Cumar.
