Ra’iisul Wasaraha Xukuumadda Federaalka Soomaaliya Mudane Xasan Cali khayre oo anba qaadaya fulinta qorshaha isla xisaabtanka ee dowladda ayaa maanta kormeer shaqo waxa uu ku yimid Wasaraadda Warfaafinta si uu ugu kuur galo shaqada wanaagsan ee ka socota.
Xarunta wasaaradda ayaa waxaa Ra’iisul Wasaraha khayre ku soo dhaweeyey Wasiirku xigeenka wasaaradda ahna sihayaha xilka wasiirka wasaaradda Warfaafinta Mudane C/rixmaan Iidaan Yoonis, Agaasimaha guud iyo Agaasimayaasha Waaxyaha ee Wasaaradda, isagoo kulan dhiri galinta iyo is xogwaraysi ah la yaashay kaa oo ku saabsan qorshayaasha hormarineed ay leedahay wasaraadaha.
Ra’iisul Wasaaraha Xukumadda Federaalka Soomaaliiya ayaa kormeeray qaybaha kale duwan ee Wasaaradda sida TVga Qaranka, Radio Muqdisho Codka Jamhuuriyadda Soomaaliya iyo Radio Muqdisho Codka Ciidamadda qalabka sida, isagoo mas’uuliyinta maamuladda Warbaahinta ka dhageystay warbxiino kala duwan.
Wasiir ku xigeenka ahna siihayaha xilka wasiirka Warfaafinta Mudane C/raxmaan Iidaan Yonis oo warbaahinta Qaranka la hadlay ayaa wax lagu farxo ku tilmaamay kormeerkan shaqo ee uu maanta ku yimid R/wasaaraha Xukuumadda Xarunta Wasaaradda.
Kormeerkaan shaqo ee uu maanta Ra’iisul Wasaaraha Xukuumaddu ku yimid Wasaaradda Warfaafinta ayaa qayb ka ah qorshayaasha lagu fulinayo qorshaha isla xisaabtanka iyo korjoogteyta uu tiir dhexaad lama taabtaan u ah barnaamijka Xukumadda ee Nabad iyo Nolol.
Nasro Bashiir Cali
