RADIO MUQDISHO, 09-JULY-2025(COMOROS), Safiirka Jamhuuriyadda Federaalka Soomaaliya ee dalka Tanzania iyo Urur-goboleedka Iskaashiga Dhaqaalaha Bariga Afrika (EAC), kaas oo sidoo kale ah safiir aan joogto ahayn(Non-Resident Ambassador) oo u fadhiya waddamada Rwanda, Congo, Malawi, Mauritius iyo Komoros Mudane Ilyaas Cali Xasan ayaa warqadaha aqoonsiga waxaa ka guddoomay Madaxweynaha dalka Comoros, Mudane Azali Assoumani.
Safiirka ayaa uga mahadceliyay Madaxweynaha soo dhoweyntiisa, iyo sidoo kale garab istaagga uu u muujiyay intii uu hayay xilka Madaxtinimada Midowga Afrika.
Kulanka ayaa diiradda lagu saaray xoojinta xiriirka laba geesoodka ah ee Soomaaliya iyo Comoros, iyadoo labada dhinac hoosta ka xariiqeen muhiimadda ay leedahay ilaalinta midnimada iyo madaxbannaanida dalalka Afrika.
