Safiirka Britain u fadhisa Soomaaliya Harriet Mathews iyo wefdi ay hogaaminayso oo maanta gaaray magaalada Kismaayo ee xarunta gobolka Jubada Hoose ayaa halkaasi kulamo kula qaatay mas’uuliyiinta maamulka KMG ah ee Jubbalanad
Danjire Harriet Mathews iyo Madaxweynaha maamulka KMG ah ee Jubbaland Axmed Maxamed Islaam ayaa ka wada hadlay xaaladaha beni’aadanimo ee ka jirta magaalada Kismaayo iyo sida lagu xoojin karo arrimaha amniga, iyadoo sidoo kale ay kulanka goob ka ahaayeen mas’uuliyiin kale oo maamulkaasi ka tirsan.
Shir jaraa’id oo ay qabatay Danjire Harriet Mathews ayay ku sheegtay in aad ugu faraxsantahay kulanka ay la qaadatay Madaxda Maamulka KMG ah ee Jubbaland iyo soo dhaweynta loo sameeyay,
Axmed Madoobe oo isna saxaafada la hadlay ayaa xusay in wafdiga ay hogaamineyso Safiirka Britain u fadhisa Soomaaliya ay kala hadleen meel marinta dastuurka maamulka oo ay shalay ansixiyeen ergo ka kala socotay Jubbbooyinka iyo Gedo, isagoo tilmaamay in ay uga mahadceliyeen gacantii ay ka geysteen dhismaha Maamulka KMG ah ee Jubbaland.
Danjire Harriet ayaa xilka si rasmi ah ula wareegtay dabayaaqadii bishii la soo dhaafay.
