Danjire Khadiija Cosoble Cali oo ah Safiirka cusub ee Safaaradda Soomaaaliya ,wadamada Benelux iyo Midowga Yurub ayaa lagu soo dhaweeyay magaalada Brussels ee dalka Belgium oo xarun u ah Safaaradda ayaa sheegtay inay si hufan ugu adeegi doonto bulshada Soomaaliyeed ee ku nool Wadamada Benelux.
Danjire Khadiija ayaa uga mahadcelisay Jaaliyadda Soomaaliyeed ee dalka Belgium soo dhaweynta ay u sameeyeen
Diblomaasiyiinta Safaaradda oo kulanka soo dhaweynta ka hadlay ayaa ku tilmaamay Danjire Khadiija inay tahay qof aqoonleh ayna ku faraxsanyihiin in ay la shaqeeyaan.
Safiirka cusub ee Safaaradda Soomaaaliya Wadamada Benelux iyo Midowga Yurub Danjire Khadiija Cosoble Cali ayaa la filayaa inay kulamo la qaadato Jaaliyadda Soomaaliyeed ee ku nool Wadamada Benelux sida Netherlands, Belgium, iyo Luxembourg oo ay uga warbixiso guulaha dowladda Federaalka Soomaaliya iyo doorka Jaaliyadda ee ku aadan horumarka dalka.
