Wasiirka Gaadiidka iyo Duulista Hawada ee Xukuumada Soomaaliya Mudane Cali Axmed Jaamac oo uu wehliyo Wasiiru Dowlaha Wasaaradaasi Mudane Maxamed Xuseen Fanax ayaa manata qalab xafiiseed u badnaa kombiyuutaro iyo kuwa wax lagu daabaco ka gudoomay Safiirka Shiinaha u fadhiya Soomaaliya.
Safiirka Shiinaha u qaabilsan Soomaaliya Weyn Hongton oo Somaalidu ay u taqaano Warsame Geeljire ayaa mar uu ka hadlyay munaasabadda qalabakaasi loogu wareejinayay Wasaaradda Gaadiidka iyo Duulista Hawada waxa uu sheegay in Safaaraddu ay shaqada joojin doonin kadib Qaraxii dhawaan ka dhacay Hotelka Jaziira oo ay deganeyd Safaaradda Shiinaha, isla markaana ay sii wadi doonaan taageerada ay siiso Soomaaliya.
Wasiirka Gaadiidka iyo Duulista Hawada Xukuumada Somaaliya Mudane Cali Axmed Jaamac ayaa uga mahadceliyay Safiirka Shiinaha u fadhiya Soomaaliya sida uu u garab taagan yahay shacabka Soomaaliyeed, wuxuuna ka dalbaday Safiirka inuu ka caawiyo mashaariic ay Wasaaraddu dooneyso inay ka fuliso gudaha dalka.
Shiinaha ayaa ka mid ah dalalka xiriirka soo jireenka ah laleh Soomaaliya waxayna tani qeyb ka tahay taageerada Shiinaha uu lagarab taagan yahay dowladda Soomaaliya.
