Safiirka Jamhuuriyadda Turkiga u fadhiya Soomaaliya Danjire Alper Aktaş ayaa Xarunta Safaaradda Turkiga ee Soomaaliya ku qaabilay Agaasimaha Machadka Diblomaasiyadda ee Wasaaradda Arrimaha Dibadda Danjire Cabdulqaadir Amiin Sheekh.
Safiirka Turkiga ayaa kulan wax ku ool ah la qaatay Danjire Cabdulqaadir Amiin Sheekh oo ay ka wada hadleen arrimo ku saabsan iskaashiga ka dhaxeeya hay’adaha kala duwan ee labada dal, iyadoo ujeeddadu tahay sidii loo xoojin lahaa xiriirka labada dal iyo is dhaafsiga khibradaha dhanka diblomaasiyadda.
Kulanka ayaa waxaa goob joog ka ahaa Agaasimaha Akadeemiyada Diplomaasiyadda ee Wasaaradda Arrimaha Dibedda ee dalka Turkiga, Dr. Masoud Ozcan oo maalmahan booqasho ku joogay dalka, si uu uga qayb-galo barnaamijka Tababarka Dublamaasiyiinta Soomaaliyeed da’da yar.
