Saraakiil uu hogaaminayay Sareeyo Guuto Sulub Axmed Firin Taliyaha ciidanka Daraawiishta ee Dowladda Federaalka Soomaaliya ayaa booqday qaar ka mid ah deegaqannadi dhawaan laga xoreeyey maleeshiyaadka Al-Shabaab ee Gobolka Shabeelada Hoose, halkaasi oo ay kula kulmeen saraakiisha ciidanka xoogga dalka.
Sareeyo Guuto Sulub Axmed Firin oo la hadlay Wakaaladda SONNA ayaa ujeedka booqashadooda ku sheegay sidii ay u dhiirigelin lahaayeen ciidanka ku sugan furumaha dagaalka.
“Waxaan booqanaya goobaha ciidamadu ay ku sugan yihiin, Afgooye, Sabiib iyo Caanoole, waxaan la kulanay saraakiil iyo shacabka deegaanadaasi, ujeedkeenu waa in aan dhiirigelin u sameyno howlgallada ciidamadu ay wadaan, waxbadan ayaan aragnay oo isbedel ah, adeegyadii bulshada oo dib u soo laabanaya iyo nolosha oo caadi ah, kadib markii maleehiyaadka argagixisada laga xoreeyay deeganadaasi”. Ayuu yiri taliye Sulub,
Taliyaha ayaa ku ammaanay ciidamada halkaasi ku sugan oo difaaca shacabka, waxaana socdaalkiisu uu imaanaya iyadoo dhawaan maleeshiyaadka Shabaab laga xoreeyey deegaanno hor leh.
