Saraakiil ka tirsan ciidanka xoogga dalka Soomaaliyeed ayaa booqasho ku qotontay dardaaran iyo dhiiri-galin ku tagay Xerada deegaanka farag ee gobolka Bakool, halkaas oo ay ku jiraan cutubyo ka mid ah ciidanka.
Xerada saraakiisha tagtay waxaa hogaaminayey Abaanduulaha Guutada 9-aad qabta 60-aad ee ciidanka xoogga dalka Soomaaliyeed Gaashaanle Yoonis Aadan Xasan, isagoo ciidanka ku Amaanay howlgallada ay ka bilaabeen gobolka Bakool, kuwaas uu sheegay in lagu ciribtirayo khawaarijta.
Gobolka Bakool ayaa ka mid ah meelaha la doonayo inay si weyn uga bilowdaan howlgallada ka dhanka ah khawaarijta oo ay si wadajir u fulin doonaan ciidanka xoogga dalka Soomaaliyeed iyo xoogga kacdoonka Shacabka.
