Ururka 83-aad, guutada 14October ee Xoogga dalka ayaa deegaanka Janaale caawa jab xooggan ku gaarsiiyay xubno ka tirsan Argagixisada Al-Shabaab oo isku dayay inay soo weeraraan deegaanka.
Meydka dhagarqabe qeyb ka ah kuwo badan oo caawa ku jabay Janaale ayay saraakiisha xoogga ee deegaankaas soo bandhigeen, waxaa weli meelaha howdka ah ka socda baaritaano la xiriira hadii ay jiraan meydad iyo dhaawacyo la gaarsiiyey Argagixisada, maadaama ay tahay xili habeen ah, cadowgana la gaarsiiyey khasaare xoog leh.
Xogta Argagixisada oo la sii ogaa ayaa suurta-gelisay inay geesiyaasha xoogga ka hortagaan, sidoo kale meydad iyo dhaawacyo badan oo Janaale caawa lagu gaarsiiyey cadowga ayaa la geeyey degaanka Mushaani, sida uu Warbaahinta Qaranka u xaqiijiyay taliyaha ururka 83-aad ee 14-ka October Gaashaanle Nuuradiin Xuseen.
