Guddoomiyaha Gobolka Hiiraan Cali Jeyte Cismaan, saraakiisha ciidanka xoogga dalka, NISA, Booliska dowlad goboleedka HirShabelle iyo dadka degaanka oo is abaabulay ayaa wada howlgal culus oo lagu xoreynayo Gobolka Hiiraan ee bartamaha Soomaaliya.
Howlgalkaan ayaa lagu baacsanayaa Argagixisada Al-Shabaab oo dhiibaato xooggan ku haysa shacabka reer Hiiraan, iyagoo maalmihii u dambeeyey hordhiyey cadaadiska iyo cunaqabateynta shacabka.
Ciidamadu maanta waxay fashiliyeen miinooyin ay Argagixisadu rabeen inay ku dhibaateeyaan dadka mara wadada xiriirisa degaanda Kalabayr iyo Jiracle ee Gobolka Hiiraan.
Nabadiidka Al-Shabaab maalmihii la soo dhaafay waxay gubeen guryo ay la haayeen shacab aan waxaba galabsan, sidoo kale waxay burburiyeen ceelashii ay biyaha ka cabi jireen dadka reer miyiga ah ee ku nool deegaanada fog ee gobolka Hiiraan.
Saraakiisha Ciiidamada iyo Masuuliyiinta Maamulka Gobolka Hiiraanย ayaa sheegay in guulo waaweyn ka soo hooyeen howlgallada lagu ciribtirayo argagixisada Al-Shabaab ee ka socda gobolka Hiiraan.
