Maleeshiyada Kooxda Shabaab ayaa dhibaato u geystay dad xoolo dhaqata ah oo ku nool galbeedka Magaalada Kismaayo.
Maxamed Cabdi kaliil Wasiiru dowladaha Wasaarada amniga ee Jubaland ayaa sheegay in sagaal ruux oo xoola dhaqato ah ay dileen maleeshiyada Al-Shabaab, isla markaana ay ka dhaceen xoolo ay dadkaasi lahaayeen.
Ciidamada amniga ayaa ku baxay deegaanka ay Shabaabku dadka ku xasuuqeen, si looga dulqaado dhibaatada ay maleeshiyada argagixisadu Shabaabku ku hayaan shacabka Jubbooyinka.
Madaxweyne Ku-xigeenka Dowlad goboleedka Jubbaland Maxamuud Sayid Aadan ayaa sheegay in dhowr iyo labaatan geel ay laayeen, qaarkalane ay boobeen, waxaana uu intaa ku daray in dowlad goboleedka Jubbaland ay ka jawaabayaan xasuuqa shacabka lagu hayo.
