Bulshada ku dhaqan magaalada Dhuusamareeb ee xarunta dowlad Goboleedka Galmudug ayaa muujiyay sida ay uga xunyihiin weerarkii bahalnimada ahaa ee cadawga Al-shabaab ku laayay dadka shacabka ah.
Qaar ka mid ah shacabka Galmudug oo la hadley Warbaahinta Qaranka ayaa sheegay in shacabka looga fadhiyo sidii ay ugu midoobi lahaayeen la dagaallanka Al-Shabaab si la isaga kaashado ciribtirka argagixisada kadib qaraxii 28-kii December ee sanadkii hore ka dhacay Ex-koontarol Afgooye ee magaalada Muqdisho.
Dhallinyarada la hadlayay Warbaahinta Qaranka ayaa si wada jir ah tacsi u diray shacabka Soomaaliyeed, gaar ahaan ehalada dadkii ku waxyeeloobay qaraxa, waxaana ay ku baaqeen in dhallinyarada ay gacmaha is qabsadaan oo ay xoojiyaan taageeridda ciidamada amniga, si guud ahaan dalka looga ciirb tiro argagixisada Al-Shabaab.
