Tababbarka oo ku saabsan is dhexgalka bulshada iyo isla xisaabtanka ayaa waxaa loo qabtay 35 shaqaale oo ka tirsan degmooyinka Gobolka iyo guddoomiye ku-xigeenada Degmooyinka gobolka Banaadir, waxaana tababbarka fulineysa hayβadda horumarinta hal abuurka Soomaaliyeed SIDO waxaana tababarkan oo socon doona laba maalin oo ka qeyb galayaasha lagu fahamsiin doona, sida ay muhiim u tahay in shacabka ay dowladda kula xisaabtamaan canshuurta laga qaado.
Guddoomiyaha hayβadda horumarinta hal abuurka Soomaaliyeed SIDO Β C//laahi Cali Jimcaale ayaa sheegay in siminaarkan ay ka faa’iideysan doonaan dad badan.
Related posts
“Tababbarkan waxaa loo qabanayaa 35 shaqaale iyo guddoomiye ku-xigeenno waxaana aaminsanahay inuuu wax badan soo kordhin karo, sababtoo ah haddii dadka la baro sida shacbaka loola macaamilo, waxaa la gaari karaa horumar bulsho ,waxaana fududaadaneysa in dadka ay fahmaan dowladnimada”.ayuuyiri Cabdullaahi.
Guddoomiye ku xigeenka dhinaca siyaasada iyo amniga ee maamulka gobolka banaadir Maxamed Axmed DiiriyeΒ ayaa sheegay in wax lagu farxo ay tahay shaqaalaha ka shaqeeya degmooyinka gobolka la baro habka ay dadka ugu adeegi karaan, taasina waxa uu ku sheegay in ay qeyb ka tahay horumarka bulshada.
“Waxaan soo dhoweyneynaa barnaamijjkan loo qabtay shaqaalaha degmooyinka gobolka banaadir, waana horumar bulsho, hadii shacbaka ay fahmaan dowladnimo waxaa fududaaneysa in ay sidoo kale fahmaan qaabkii ay ugu xisaabtami lahaayeen canshuurtii ay dhiibeen” ayuu yiri Guddoomiye ku-xigeenka siyaasadda iyo amniga ee gobolka Banaadir.
