Shaqaalaha Madaxtooyada Soomaaliya ayaa maanta markii shanaad ka qeyb qaatay Ololaha Isxilqaan ee dib loogu dhisayo xarumaha danta guud.
Related posts
Hawl-wadeenada Madaxtooyada ayaa saaka xaadiray dhismaha Madxafka Qaranka halkaas oo ay ka socoto shaqada Isxilqaan ee dib u hawl-galinta Madxafka, sida caadi ahayd waxa ay shaqaaluhu isu qeybiyeen dhawr koox iyaga oo shaqo fiican ka qabtay dhismaaha Madxafka.
Ismaaciil Macalin Cabdullaahi oo ah hoggaanka Isxilqaan u qaabilsan Wasaaradda Shaqada iyo Arrimaha Bulshada ayaa shaqaalaha Madaxtooyada ee Isxilqaan ka qeyb galayay warbixin ka siiyay heerarka shaqada ay soo martay iyo kaalinta ay ku leeyihiin, waxa uuna kula dardaarmay in ay kasoo dhalaalaan doorkooda.
Dhismaha Xarumaha danta guud ee lagu dhisayo Ololaha Isxilqaan ee uu ku dhawaaqay Madaxweynaha JFS ayaa si xawli ah uga socda dalka iyada oo heer gabogabo ah ay marayaan dhismayaasha, Tiyaatarka Qaranka, Maktabadda, Madxafka iyo taalooyinka taariikhiga ah ee dalka.
