Siminaarkan oo socon doono muddo saddex maalin ah ayaa waxaa si wadajir ah usoo qabanqaabiyey Wasaaradda Haweenka iyo Xaquuqul Insaanka ee dowlad Goboleedka Koonfur Galbeed iyo Hay’adda Save the Children.
Siminaarka muddada uu socdo waxaa ka qeybgeli doona Ilaa iyo 35 dhalinyaro oo iskugu jira Wiilal iyo Gabdho, kuwaas oo ubadan shaqaalaha Wasaaradda iyo kuwa laga soo xulay xaafadaha magaalada Baydhabo.
Mudada siminaarka uu socodo waxaa ka qeyb galayaasha lagu bari doonaa ka hortagga tacadiga ka dhanka ah ee carruurta iyo Haweenka, waxaana sidoo kale la socda tababaro kale oo lagu dhisayo aqoonta ka qeyb galayaasha oo u badan arrimaha xaquuqda beni’aadamka.
Nadiifo Xaaji Aarmiye Wasiirka Wasaaradda Haweenka iyo Xaquuqul Insaanka Koonfur Galbeed oo si rasmi ah u daahfurtay siminaarka ayaa ka qeyb galayaasha kula dardaarantay in ay ku dadaalaan sidii ay u fahmi lahaayeen casharada la siin doono, ayna ku daba qaan howlaha loo idmaday.
