Wasiirka cusub ee Wasaaradda Ganacsiga iyo Warshadaha Xukuumadda Federaalka Soomaaliya mudane Jibriil Cabdirashiid Xaaji, ayaa maanta kulankii ugu horreeyey la yeeshay Agaasimeyaasha Wasaaradda oo uu ka dhagaystay war-bixinno la xiriirta hawlaha shaqo ee Wasaaradda, shaqooyinka hor-tebinta leh, caqadaha jira iyo guud ahaan qorsheyaasha Wasaaradda gaar ahaan dhinacyada horumarinta iyo fududeynta Ganacsiga, Warshadaha iyo weli ba maal-gashiga dalka.
Kulanka, ayaa waxa Wasiirka ku wehelinayey Wasiiru-dawlaha Wasaaradda Mudane Cabdisalaan Shariif Xuseen, Wasiir ku-xigeenka Wasaaradda Mudane Cismaan Maxamed Cabdi (Daalo) iyo Agaasimaha guud ee Wasaaradda Mudane Cabdicasiis Ibraahim Aadan.
