Hal qof ayaa geeriyooday labo kalena dhaawac ayaa soo gaaray kaddib markii gaari kuwa iska rogaha ah uu shil ku galay degmada Kaaraan, taasi oo sababtay qasaaraha dhimashada iyo dhaawaca ah.
Goobjooge ku sugnaa goobta ayaa Radio Muqdisho u sheegay in gaariga iska rogaha ah uu ka baxay jidka, kaddib markii wadihiii gaariga uu xakameyn waayay, taasi oo keentay in uu bur buriyo dhismo goobta ku yiilay, halka dadkii saarnaa ay ku dhaceen ceel meesha ku yaalay.
Related posts
Waaxda Gurmadka deg deg ah ee dowladda Hoose ee Xamar iyo Maamulka degmada Kaaraan oo goobta uu shilku ka dhacay tegay ayaa gurmad u fidiyay dadkii ceelka ku dhacay, kuwaasi oo ku guuleystay inay soo badbaadiyaan labo qof, halka ruuxa saddexaad uu gudaha ceelka ku dhintay.
Goobaha caafimaadka ayaa loo qaaday dadkii ku dhaawacmay shilka gaari ee ka dhacay degmada Kaaraan.
