Waxaa ka furmay magaalada Gaalkacyo ee Caasimadda Gobolka Mudug wajiga 2-aad ee Shirka wada-tashiga Booliska iyo Bulshada.
Shirkan ayaa waxaa ka qeybgalaya saraakiil ka tirsan Booliska iyo Wasaaradda Amniga gudaha Galmudug, sidoo kale waxaa qeyb ka ah bulshada qeybahooda kala duwan, sida Haweenka, Dhallinyarada, Ganacsatada iyo Bulshada rayidka ah.
Inta uu shirka socdo ayaa la dul istaagi doonaa qorshaha horumarinta, sharciga iyo hagaajinta hannaanka wada-shaqaynta Booliska iyo bulshada, waxaana si gaar ah diiradda loogu saarayaa horumarinta iyo sharciyada Booliska Galmudug.
Wajiga 1-aad ee shirkan ayaa waxaa Caabudwaaq ka furay Wasiir ku-xigeenka Wasaaradda Amniga Gudaha Galmudug mudane Cali Baashi, waxaana wejiga 2-aad laga filayaa inay ka soo baxaan go’aano wax ku ool leh.
