Wasaaradda Qorsheynta, Maalgashiga iyo Horumarinta Dhaqalaaha Xukuumadda Federaalka Soomaaliya oo kaashaneysa Wasaaradda Maaliyadda Soomaaliya iyo Bangiga Adduunka ayaa maanta Muqdisho ku qabatay shir Qaran oo looga arinsanayo sidii si wadajir ah looga shaqeyn lahaa xoojinta adkeysiga bulshada Soomaaliyeed iyadoo xooga la saarayo baahiyaha degdegga ah iyo sidii lagu gaari lahaa xal waara.
Shirka sidoo kale waxaa lagu daahfuray Qorshaha u diyaargarowga Xasaradaha Cunada ee Soomaaliya, kaasoo looga gol leeyahay in loo guuro dhinaca horumarka joogtada ah iyadoo wax laga qabanaayo caqabadaha beni’aadamnimada ee jira. Waxa kale oo uu qorshuhu xoogga saarayaa muhiimadda ay leeyahay isu-dubbarid nidaamsan oo dhexmara saamileeyda kala duwan si loo gaaro u adkeysiga musiibooyinka.
Shirka waxaa uu socon doona muddo saddex maalin ah, waxaana ka soo qeybgalay Dowladda Federaalka Soomaaliya, Dowladaha Xubnaha ka ah Dowladda Federaalka iyo Saaxiibada caalamiga ah.
