Hay’adda Maareynta Musiibooyinka Soomaaliyeed oo Maanta Shirka Wadatashiga Barakacayaasha soo qaban qaabisay, islamarkaana,waxaana looga hadlay xaaladaha iyo sida loo maareyn karo dadka Barakacayaasha ah ee ku nool xeryaha Barakacayaasha ee Gudaha Dalka.
Guddoomiyaha hay’adda Maareynta Musiibooyinka Soomaaliyeed Maxamuud Macalin Cabdulle oo Furay Shirka Wadatashiga Arrimaha Barakacayaasha, oo ay ka soo qeyb galeen Hay’adaha Maamul Goballeedyada, QM UNHCR iyo IOM.
Shirkaan, ayaa waxaa ka soo qeyb galay Madax iyo Mas’uuliyiin ka socotay qaar ka mid ah Hay’adaha,Wasiiro ka socday Wasaaradaha dowlad Goballeedyada Xubinta ka Dowladda Federaalka Soomaaliya , Saraakiisha Xafiisyadda sida Madaxtooyada Villa Somalia, Hay’adaha UNHCR, IOM, qaar ka mid ah mas’uuliyiinta NGO-yada gudaha dalka, Ururada iyo horjoogayaasha xeryaha Barkacayaasha, Ururada Aan Dowliga aheyn.
Guddoomiyaha Hay’adda Maareynta Musiibooyinka Soomaaliyeed ee loo soo gaabiyo “SoDMA” Maxamuud Macalin Cabdulle oo ka hadlay waxyaabaha looga hadlayo mudada uu socdo, ” Waxaa looga arrinsan doonaa sidii Gargaar loogaarsiin lahaa,Bulshada Soomaaliyeed oo abaaro ku habsadeen muddooyinkii u danbeeyay,Iyo sidii ay dadka kale ula sinaan lahayeen dhankasto,Caafimaad,Waxbarashada, hooyga ay ku hoyanayaan,Waxkasto oo Bini’aadamka u ah lagama maarmaam”.Ayuu yiri Guddoomiyaha Hay’adda Maareynta Musiibooyinka Maxamuud Macalin Cabdulle.
