Wasiiru-dawlaha Wasaarada Caafimaadka Xukuumadda Federaalka Soomaaliya Dr Maryan Maxamad Xuseen ayaa maanta guddoomisay kulan looga arinsaday Hergelinta Habraaca Qaran ee internship-ka kaasi oo dhex maray Wasaaradda Caafimaadka iyo Isbitaalada danta guud iyo kuwa gaarka loo leeyahay.
Kulankan oo ahaa mid wada tashi ah ayaa waxaa lagu lafa guray sida loo tayeyn lahaa Waxbarashada ardayda Internship-ka ku qaadata Isbitaalada, ayadoo la dhaqan gelinayo Habraaca Qaran ee Internship (NIG).
Related posts
Madaxda ka socotay Isbitaalada ayaa dhankooda soo dhaweeyay Habraaca ay Wasaaradda u diyaarisay sanadka internship-ka ah waxayna balanqaadeen in ay hergelin doonaan isla markaasna ay Wasaaradda si dhaw uga la shaqeyn doonaan tayeynta ardayda sanadka tababarka ku jira.
Ugu dambeynti Wasiiru-dowlaha Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Maryan Maxamad Xuseen ayaa uga mahadcelisay madaxda Isbitaalada dadaalka weyn ay ku bixiyaan tababaridda ardayda, waxayna ugu baaqday in ay sii laba jibaaraan dadaalkooda ayaga oo hergelinaya Habraaca Qaran ee Internship-ka, Wasiir Maryan ayaa ku nuuxnuuxsatay muhiimada ay wadanka u leedahay in la horumariyo tababarada la siiyo bahweynta caafimaadka,ย ayada oo balan qaaday in ay Wasaaraddu arinkaasi mudnaan gaar ah siin doonto.
