Related posts
Magaalada Istanbul ee dalka Turkiga ayaa lagu soo gaba-gabeeyay shir labo maalin socday oo looga hadlayay xoojinta xiriirka dalalka Soomaaliya iyo Turkiga, waxaana si gaar ah diirada loogu saaray cilmi-baarista la xiriirta dhinaca dhaqaalaha, Caafimaadka iyo Waxbarashada.
Shirka oo ay soo qaban qaabisay Hay’adda Bariga Afrika ee horumarinta iyo Cilmi baarista ee fadhigeedu yahay magaalada Istanbul ee dalka Turkiga ย ayaa waxaa dhanka Dowladda Soomaaliya uga qeyb galay Wasiirka Qorsheynta Xukuumadda Soomaaliya Mudane Jamaal Maxamed Xasan, Wasiiru Dowlaha Xafiiska Raโiisal wasaaraha Cabdullaahi Xaamud, Danjiraha Turkiga u fadhiya Soomaaliya Jaamac Cabdullaahi Maxamed, aqoonyahano Soomaaliyeed, ardayda Soomaaliyeed ee wax ka barta Turkiga iyo qaar ka mid ah Masโuuliyiinta Jaamacadaha ku yaalo Soomaaliya.
Prof Cali Sheekh Axmed oo la hadlay Warbaahinta Qaranka ayaa sheegay in shirka uu ka soo baxay waxyaabo badan oo faa’iido u ah bulshada Soomaaliyeed.
“Ujeedda shirka ayaa ahaa is araga dadka aqoonyahanka Soomaaliyeed, kaasi oo ahaa mid ay ku kulmayeen aqoonyahanka Soomaaliyeed ee dalka gudahiisa iyo dibadiisa jooga, iyadoo kulanka ay ka soo qeyb galeen aqoonyahanno u dhashay dalka Turkiga, oo looga doodo cilaaqaadka labada dal ka dhexeysa” ayuu yiri Prof Cali Sheekh Axmed.
“Qodobada waxaa ugu muhiimsan in labada bulsho ee Soomaaliya iyo Turkiga la xoojiyo xiriirkooda, in la sii xoojiyo xiriirka Turkiga ay la leedahay dalalka bariga Afrika, waxbarashada labada dal, dhanka Jaamacadaha iyo Cilmi baarista la iska kaalmeysto, ganacsiga aan la leenahay Turkiga in si guud ahaan loo xoojiyo, iyadoo loo qabanayo kulamo gaar ah” ayuu hadalkiisa ku daray.
Shirkan oo ay soo qaban qaabisay Hayโadda East Africa for Research and development oo fadhigeeda uu yahay magaalada Istanbul ayaa gabo gabadiisa waxaa la isku afgartay in la joogteeyo shirarka ceynkani oo kale ah ee looga hadlayo arrimaha cilmi-baarista oo muhiimad gaar ah u leh Shacabka Soomaaliyeed.
Halkan ka dhageyso Wareysiga oo dhameystiran
