Shir looga hadlayay Macadka Qorsheynta Dowladaha Carabta ayaa lagu soo gaba-gabeeyay Magaalada Tunis ee Caasimadda Dalka Tunisia.
Shirkan oo Sanadkiiba mar la qabto ayaa waxaa diiradda lagu saaray qodobbo muhiim u ah horumarinta Wasaaradaha qorsheynta ee Dalalka Carabta.
Wasiir ku xigeenka Wasaaradda Qorsheynta, Maal-gashiga iyo Horumarinta Dhaqaalaha Soomaaliya, Fahmo Axmed Nuur, oo shirkaasi ka qeyb gashay ayaa sheegtay in ay Dowladaha Carabta uga warbixisay howlaha adag ee Dalka ka socda.
Marwo; Fahmo, ayaa intaa ku dartay in ay si gaar ah diiradda u saartay gaar diyaarinta qorshaha Sagaalaad ee horumarinta Qaranka iyo hannaanka uu ku socda geedi socodka wada-tashiga iyo qoristiisa.
Sidoo kale Wasiir Fahma Maxamed Nuur, ayaa ka hadashay xaaladda xilligan Soomaaliya ay taagan tahay iyo sidii loo Gacan qaban lahaa, dhinacyada sare u qaadista waxbarashada shaqaalaha iyo aqoon yahannada ka howlgala xarumaha Dowladda.
“Waxaan marka hore salaan diirran idinka wadaa Wasiirka Wasaaradda Qorsheynta iyo dhammaan Shacabka Soomaaliyeed, waxaan halkaan ka cadeeynaa in Soomaaliya dhibaato kala duwan ka dib hadda waxay mareysaa meel wanaagsan, waxay u baahan tahay Gacan siin oo ay ka mid tahay sidii kor loogu qaadi lahaa Khibradda Dhallinyaradda Soomaaliyeed ee ka midka ah hay’addaha Dowladda”ayay tiri Wasiir ku xigeenka Wasaaradda qorsheynta.
Madaxda joogtay shirka ayaa si weyn uga wada hadashay sidii loo tayayn lahaa Wasaaradaha qorsheynta Dowladaha Carabta iyo in tababarro loo fidiyo shaqaalaha.
Waxaa sidoo kale laysla gorfeeyay qorshaha Shanta Sano ee soo socda ee Machadka qosheynta, doorka waxbrashada kaadiriiinta iyo sidii loo xoojin lahaa,dar dar gelinta miisaniyadda Machadka.
Shirka Sanadkaan waxaa shir Gudoomiynayay Dowladda Suudan oo kalintinkeeda Sanadlaha ahaa, waxaana machadka qodobada kale ee ka soo baxay uga weynaa in tababarrada Saddex Sano laga dhigay iyo sidii shaqaalaha ay tababar ku filan u qaadan lahaayeen,si ay u anfacaan Dalalka iyo hay’adaha Dowladaha soo dirsaday.
Machadka qorseynta Dowladaha Carabta oo fadhigiisa yahay Dalka Kuwiet ayaa lagu tababaraa shaqaalaha Dowladdaha Carabta, sis are loogu qaado Khibradda iyo aqoonta ay ku shaqaynayaan.
W/D; Cabdirashiid Nuur Ibrahiim.
