Shirkan ay soo qaban-qaabisay wasaaradda haweenka iyo xuquuqul insaanka Galmudugay oo looga hadlayay qoondada haweenka ee ku aaddan ka qeyb galka xubnaha ka tirsan golaha wasiirada galmudug ayaa waxaa ka soo qeyb galay xildhibaano, masuuliyiin ka tirsan maamulka degmada Gaalkacyo iyo hoggaanka ururka haweenka Galmudug.
Masuuliyiintii ka qeyb galay kullankaan waxaa ka mid ahaa: wasiiru dowlaha wasaaradda arrimaha gudaha Galmudug Axmed Xasan Cali, wasiirka wasaaradda haweenka iyo xuquuqul insaanka Galmudug Ubax Xuseen Dhiblaawe, duqa degmada Gaalkacyo Xirsi Yuusuf Barre, guddoomiyaha ururka haweenka Galmudug Maymuun Cali nuur Geyfane iyo bulshada qeybaheeda kala duwan.
duqa dagmada Galkacyo oo ugu horreyn daah furay shirka ayaa sheegay in ay ka maamul ahaan soo dhaweeynayaan in haweenku ay door muhiim ah ku yeeshaan xubnaha golaha degaanka degmada Galkacyo ee gobolka Mudug.
wasiiru dowlaha wasaaradda arrimaha gudaha Galmudug Axmed Xasan Cali ayaa dhankiisa sheegay in ay ku dadaalayaan sidii haweenka door muhiim ah ugu yeelan lahayeen golaha deegaanka, isagoo timaamay in haweenka looga baahanyahay dadaal dheeri ah oo muujinaya kaalinta ay ku leeyahiin dhismaha golaha deegaanka Gaalkacyo.
Ugu dambeyntii guddoomiyaha ururka haweenka Galmudug Maymuun Cali Nuur ayaa sheegtay in la jooga xilligii haweenka fursad loo siin lahaa ka mid noqashada xubnaha golaha deegaanka ayna helaan qoondada ay xaqa u leeyihin.
