Guddoomiyaha Gobolka Shabellaha Hoose Mudane Maxamed Ibraahim Barre ayaa shir Guddoomiyey kulanka Amniga Degmada Baraawe
Shirkaan oo ay ka soo qeyb galeen Saraakiil ka tirsan Ciidanka Xoogga Dalka, Saraakiil Booliska iyo Nabad sugidda ayaa looga hadlay sidii la iskaga kaashan lahaa howlgalada Dalka looga saarayo Khawaarijta
Guddoomiye Maxamed Ibraahim Barre ayaa sheegay in dalka uu ka socda howlgal ka dhan ah Khawaarijta isla markaana ay muhiim tahay Gobolka Shabellaaha Hoose laga xureeyo haraadiga Cadowga
Mudane Maxamed Ibraahim Barre ayaa Ciidamada Amniga degmada Baraawe kaga Mahadceliyay sidii ay u xaqiijiyeen Amniga Degmada iyo deegaannada ku xeeran.
